Төгсөгч оюутнуудыг ажилд зуучлах болон суралцагч оюутнуудыг дадлага хийлгэх, зуны амралтаараа ажиллах ажлын байрны мэдээллээр хангах, ажил олгогч компаниудтай холбох зорилгоор жил бүр “Ажлын байрны нээлттэй өдөрлөг” арга хэмжээг Механик, тээврийн сургууль дээр уламжлал болгон зохион байгуулж ирлээ.

2018-2019 оны хичээлийн жилийн хаврын улиралдтөгсөгч оюутнуудад зориулсан энэ удаагийн өдөрлөг 2019 оны 04 дүгээр сарын 7-ны өдөр 10⁰⁰-15⁰⁰ цагийн хооронд Механик, тээврийн сургууль дээр зохион байгуулагдсан бөгөөд тус арга хэмжээнд Зам, тээврийнн хөгжлийн яам,"Трансвест Монголиа" ХХК,  “Алтайнхүдэр” ХХК, "Доктор Авто Сүлжээ" ХХК, Моннис интернейшнл ХХК, “Хишиг Арвин” ХХК, “Трансвест” ХХК, “МАК” ХХК, “Аэро Монголиа” ХХК, “Зорчигч Тээвэр Нэгтгэл” ОНӨААТҮГ, "Хасумегаватт" ХХК, “ЗМ Инженеринг ХХК, MCSгрупп, Дельта холдинг ХХК, Тэнүүн огоо ХХК, Монложистик ворлдвайд ХХК, Ландбридж ХХК, Омни шиппинг ХХК, Тэсо корпораци ХХК, Камминс ХХК, Азийн зам ХХК, АСТ ХХК, Улаанбаатар Байшин үйлдвэрлэх комбинат, Мера ХХК, ИНЕГ НХҮА, Номин холдинг, ДЮЦ ХХК, Моннис моторс ХХК, Монголын алт ХХК, ДЦС-4 ТӨХС, ЗаМайн сервисиз ХХК, Монгол хьюндай автоматив ХХК, Эрин интернейшнл ХХК, Глобал ложистик ХХК, Хера холддинг, Тээврийн хөдөлгөөн зохицуулалтын газар, Эрэл групп, Энержи ресурс ХХК, Үндэсний соёл амралтын хүрээлэн зэрэг нийт 40 гаруй томоохон компани, аж ахуйн нэгжүүд оролцлоо.

Өдөрлөгийн хүрээнд компаниуд үйл ажиллагааны танилцуулга, нээлттэй ажлын байрны мэдээллээ оюутнуудад хүргэсэн бөгөөд сургуулийн зүгээс төгсөгч оюутнуудын мэдээллийг ажилолгогчдод хүргэж хамтран ажиллаа.

СУРГУУЛЬ-АЖИЛ ОЛГОГЧДЫН УУЛЗАЛТЫН ЯВЦ

Тус өдөрлөгийн төгсгөлд Механик, тээврийн сургуулийн удирдлагууд болон профессор багш нар байгууллагуудын төлөөлөгч нартай уулзалт хэлэлцүүлэг хийж 2018 оны МехТС-ийн амжилт, үйл ажиллагаа, өдөрлөгийн үр дүн, цаашдын зорилго хамтын ажиллагааны талаар хэлэлцэв.

Мөн МехТС-ийн төгсөгч  оюутнууд хамгийн олноор ажилладаг, байнгын хамтын ажиллагаатай “Камминс Монголиа ХХК”, “Доктор авто сүлжээ ХХК”, “ДЦС-4 ТӨХК”, “Сигма Монголиа ХХК”, “Улаанбаатар Байшин Үйлдвэрлэх комбинат ХХК” зэрэг тэргүүний ажил олгогч байгууллагад сургуулийн зүгээс талархал илэрхийлж хүндэтгэл үзүүллээ.

Тайлан бичсэн: С.Янжинлхам