2025 оны 4 дүгээр сарын 2-ны өдөр, Монгол Улсын Шинжлэх Ухаан, Технологийн Их Сургууль (ШУТИС)-ийн Механик инженер, тээврийн сургуульд Хятад–Монголын хамтарсан “МОЗИ” лаборатори албан ёсоор ашиглалтад орлоо.
Тус лаборатори нь Монгол Улсын Засгийн газраас хэрэгжүүлж буй “Боомтын сэргэлт” бодлогын хүрээнд тээвэр, логистикийн салбарт олон улсын түвшний мэргэжилтэн, инженер бэлтгэхэд үнэтэй хувь нэмэр оруулах стратегийн ач холбогдолтой юм.
Лаборатори нь 2023 оны 9 дүгээр сард байгуулсан дөрвөн талт Харилцан ойлголцлын санамж бичгийн хүрээнд хэрэгжиж байгаа бөгөөд уг санамж бичигт ШУТИС, “Нэг бүс – Нэг зам” Олон Улсын Хөгжлийн Академи (BRI), БНХАУ-ын Ляонин Төмөр Замын Мэргэжлийн Техникийн Коллеж (LNRVTC), Хятадын Төмөр Замын Нэгдүгээр Группийн “Мидвест Ази” компани оролцсон.
Нээлтийн үйл ажиллагаанд “Нэг бүс – Нэг зам” Олон Улсын Хөгжлийн Академийн захирал ноён Лю Яцун, Ляонин Төмөр Замын мэргэжлийн техникийн коллежийн проректор профессор Жао Мин, Хятадын Төмөр замын нэгдүгээр группийн Монгол дахь салбарын захирал Жан Жиндөү, ШУТИС-ийн ректор доктор, профессор Т.Намнан, Механик инженер, тээврийн сургуулийн захирал доктор, дэд профессор Н.Пүрэвдорж, хамтран хэрэгжүүлэгч багш, судлаачид, оюутнуудын төлөөлөл оролцлоо.
ШУТИС-ийн ректор Т.Намнан хэлсэн үгэндээ: “МОЗИ лаборатори нь орчин үеийн техник, технологид суурилсан сургалтын орчныг бүрдүүлээд зогсохгүй, Монгол–Хятадын боловсрол, шинжлэх ухааны хамтын ажиллагааны бат бэх гүүр болно гэдэгт итгэлтэй байна” хэмээн онцоллоо.
Жао Мин, Ляонин Төмөр Замын мэргэжлийн дээд сургуулийн проректор:
“МОЗИ лаборатори нь бидний хамтын хүчин чармайлтын үр дүн төдийгүй Хятад–Монголын боловсролын хамтын ажиллагаа гүнзгийрч буй бодит илрэл юм.” “Бид энэ лабораторийг олон улсын түвшний техник, ур чадвартай боловсон хүчин бэлтгэх талбар, сургалт-судалгаа-хамтын ажиллагааны нэгдсэн гүүр болгон хөгжүүлнэ.”
Тэрээр мөн МОЗИ лабораторийг дараах 5 чиглэлд хөгжүүлэх зорилтыг дурдав. Үүнд:
МИТС-ийн захирал Н.Пүрэвдорж: “Шинээр нээгдэж буй энэхүү лаборатори нь Монгол Улсад төмөр зам, логистикийн чиглэлээр мэргэжилтэн бэлтгэх сургалтын чанарыг шинэ шатанд гаргах, олон улсын хөтөлбөрүүдтэй уялдуулан хөгжүүлэх суурь алхам болж байна. Энэ хамтын ажиллагаа улам өргөжин, Монгол–Хятадын найрамдалт харилцааны бодит жишээ болон хөгжихөд итгэл төгс байна” хэмээв.
Нээлтийн үеэр оюутнууд лабораторийн ач холбогдол, сургалтад үзүүлэх нөлөөллийн талаар сэтгэгдлээ хуваалцсан нь арга хэмжээнд урам өгсөн чухал хэсэг боллоо.
МОЗИ лабораторийг байгуулахад 1.2 тэрбум төгрөгийн өртөгт бүхий 24 нэр төрлийн, 100 гаруй тоног төхөөрөмжийг нийлүүлээд байна.
Лабораторийн үйл ажиллагаа нь оюутнуудад олон улсын түвшний чадвар эзэмшүүлэх практик сургалтын орчныг бий болгож, ШУТИС-ийн сургалтын чадавхыг нэмэгдүүлэх, инженерийн боловсролыг шинэ түвшинд гаргах, хоёр орны хамтын ажиллагааны загвар болж хөгжих боломжтой юм.
МИТС-ийн захиргаа
2025.04.02
The China–Mongolia Joint "Mozi Laboratory" was officially inaugurated
The academic conference for undergraduate, master’s, and doctoral students successfully concluded
Training on Automotive Electrical and Electronic Systems for Emergency Response Engineers was successfully completed
PROFESSORS WORKED AS A NON-DEGREE RESEARCHERS AT THE NAGAOKA UNIVERSITY OF TECHNOLOGY, JAPAN
MehTS professors and teachers successfully participated in the joint seminar "RESEARCH DEVELOPMENT BASED ON ADVANCED TECHNOLOGY" at the Kyushu Institute of Technology in Japan and the "JOINT RESEARCH-BUSINESS PARTNERSHIP" meeting held in Tokyo within the framework of the “1000 Engineers” project.
