Хөтөлбөрийн нэр: МАШИН ҮЙЛДВЭРЛЭЛИЙН ТЕХНОЛОГИ

Хөтөлбөрийн индекс: 071507

ЭЕШ-ын оноо тооцох хичээлүүд: I бүлэг - Математик, Физик

Дагалдан хичээлүүд: Нийгэм судлал, Англи хэл

Босго оноо: Суурь, дагалдан хичээл бүрд босго оноо давсан байх

• Суурь хичээл-490 оноо
• Дагалдан хичээл- 450 оноо

МАШИН ҮЙЛДВЭРЛЭЛИЙН ТЕХНОЛОГИ хөтөлбөрөөр төгсөгч нь CAD/CAM/CAE системийн талаар өргөн мэдлэгтэй хүнд, хөнгөн, жижиг, дунд үйлдвэр, засварын газруудад эд анги, машин механизмын зураг төсөл боловсруулах, зохион бүтээх, үйлдвэрлэх, тоног төхөөрөмжийг ашиглах, засварлах, үйлдвэрлэлийн бизнес төсөл зохиох, машин төхөөрөмжийн засвар, үйлчилгээ, бүтээгдэхүүний чанар, үйлдвэрлэлийн процессыг удирдан зохион байгуулах, хянах мэдлэг, ур чадварыг эзэмшсэн механик инженер болно.

Хөтөлбөрийн давуу тал:

• Mагадлан итгэмжлэгдсэн
• Орчин үеийн дэвшилтэт багаж төхөөрөмжөөр тоноглогдсон лаборатори, анги танхимтай
• Олон улсад хүлээн зөвшөөрөгдсөн ур чадвар бүхий эрдэмтэн багш нартай
• Гадаадад мэргэжлээрээ шатлан сурах, ажиллах боломжтой

Төгсөгчдийн ажлын байр: Тус мэргэжлээр төгсөгч нь металл боловсруулалт, уул уурхай, эрчим хүч, барилга зам, хөдөө аж ахуй, тээвэр, аж үйлдвэр, металлурги, хүнс, хөнгөний үйлдвэрүүд, төр захиргаа, сургалт, судалгааны байгууллагад зохион бүтээгч механик инженер, технологич инженер, зураг төслийн инженерээр тус тус ажиллах боломжтой.

      “Эрдэнэт” үйлдвэрийн засвар механикийн завод, Дарханы төмөрлөгийн үйлдвэр, Төмөр зам, Дулааны цахилгаан станцууд, Японы “Тоёото” компани, “Оюу толгой”, “Таван толгой”, “Энержи ресурс”, “Экобус”, “Ора Металл” болон хөнгөн, хүнс, хөдөө аж ахуйн жижиг дунд үйлдвэр, компаниудын механик боловсруулалт, засварын цехэд механик инженер зураг төслийн инженерээр, их дээд сургууль, коллеж, мэргэжлийн боловсролын сургууль, судалгааны байгууллагуудад багш, судлаач, эрдэм шинжилгээний ажилтнаар төгсөгчид маань ажиллаж байна.

Манай төгсөгчдийн ирээдүйд бий болох ажлын байр

Монгол Улсын Засгийн Газраас баримталж буй бодлогын хүрээнд:

• Дорноговь аймагт 1жилд 1.5 сая тонн түүхий тос үйлдвэрлэх хүчин чадалтай “Газрын тос боловсруулах үйлдвэр” байгуулахтай холбогдон 600 ажлын байр шаардлагатай
• Төв аймгийн Баяндэлгэр суманд “Нүүрснээс нийлэг байгалийн хий үйлдвэрлэх үйлдвэр” байгуулахтай холбогдон 1000 ажлын байр шаардлагатай
• Өмнөговь аймгийн Ханбогд суманд “Зэсийн баяжмал боловсруулах үйлдвэр” байгуулахтай холбогдон 600 ажлын байр шаардлагатай
• “Дархан-Сэлэнгийн бүсэд Хар төмөрлөгийн цогцолборыг дэд бүтцийн хамт байгуулах төсөл” -ийн хүрээнд 600 ажлын байр шаардлагатай
• “Болд Төмөр Ерөө гол”-ын баяжуулах, ангижруулах үйлдвэр
• Замын-Үүдийн ширэм хайлах үйлдвэр баригдана.