ЯПОН УЛСЫН SMС КОРПОРАЦИД ХИЙХ БОГИНО ХУГАЦААНЫ
ОЮУТАН ДАДЛАГАЖУУЛАХ ХӨТӨЛБӨР
Япон улсын SMС корпораци болон “Шинэжлэх ухаан, технологийн их сургууль”-тай хамтран ажиллах гэрээ байгуулсны үндсэн дээр оюутны богино хугацааны дадлагын хөтөлбөрийг хэрэгжүүлэхээр төлөвлөж байна.
ДАДЛАГЫН ХӨТӨЛБӨРИЙН ҮНДСЭН МЭДЭЭЛЭЛ:
Хугацаа: 2025 оны 6 сарын 30 –аас 2025 оны 08 сарын 08 хүртэл
Дадлага зохион байгуулагдах газар: Япон улс SMС корпораци
ОЮУТАНД ТАВИГДАХ ШААРДЛАГА:
- Механик инженер, Мехатроник инженер, Барилга замын машин тоног төхөөрөмж, Үйлдвэрлэлийн механикжуулалт, Үйлдвэрлэлийн автоматжуулалт, Машин үйлдвэрлэлийн технологи бакалаврын хөтөлбөрийн төгсөх курсийн оюутан байх;
- 2.5-оос дээш голч дүнтэй;
- Япон хэлний анхан шатны мэдлэгтэй /Англи хэлний ярианы болон бичгийн чадвартай, шалгалтын оноотой бол давуу тал болно/
- Онцгой авьяастай, техник сэтгэлгээтэй, эрдэм шинжилгээний хурал, олимпиад, мэргэжлийн уралдаан, тэмцээн, урлаг спортын арга хэмжээнд идэвхитэй оролцдог бол давуу тал болно.
БҮРДҮҮЛЭХ МАТЕРИАЛ:
- Анкет
- Иргэний үнэмлэхний хуулбар /нотариатаар баталгаажуулах шаардлагагүй/;
- Сургуулийн болон дүнгийн албан ёсны тодорхойлолт /нийт суралцсан хугацааны/
СОНГОН ШАЛГАРУУЛАХ ҮЙЛ ЯВЦ:
- ✅ Оюутнуудад дадлагын хөтөлбөрийн талаар мэдээлэл хүргэж, бүртгэл хийх (2025 оны 04 сарын 01-нээс 04 сарын 14 хүртэл)
- ✅1-р шат (2025 оны 04 сарын 14-ны өдөр): МИТС-д эхний шалгаруулалтыг хийх бөгөөд дадлагажигч оюутныг сонгон шалгаруулах ажлын хэсэг нийт бүртгүүлсэн оюутнаас эхний 10 оюутныг шалгаруулна.
- ✅2-р шат: Эхний шатнаас шалгарсан 10 оюутнаас SMC корпорацийн төлөөлөл эцсийн ярилцлага хийж, 3-5 оюутныг шалгаруулна. (2025 оны 05 сарын 01 - 02-ны өдөр 13:00 цагт)
ОЮУТНУУД ВИЗА МЭДҮҮЛЭХ:
- Сонгон шалгаруулалтанд тэнцсэн оюутнуудын виза-ны материалыг Японы ЭСЯ-д илгээх (2025 оны 05 сар).
БҮРТГҮҮЛЭХ: Дадлагын хөтөлбөрт хамрагдах сонирхолтой оюутнууд МИТС-ийн Эрдэм шинжилгээ, инноваци хариуцсан ажилтан Л.Пунсалдуламд бүртгүүлж, холбогдох бичиг баримтыг цаасаар бүрдүүлэн өгнө үү. Холбоо барих: 98080428
