2022 оны 11 сарын 07-оос 12 сарын 04-ны хооронд МехТС-ийн оюутнуудын дунд “English Language Weeks - 2022 at SMET” арга хэмжээ "Be a reader, be an inventor, be a problem solver" сэдвийн дор амжилттай зохион байгуулагдлаа. Энэхүү арга хэмжээний хүрээнд оюутны англи хэл сурах сонирхлыг идэвхжүүлэн унших, бичих, сонсох, ярих, илтгэх, сэтгэх, бүтээх болон багаар ажиллах чадварыг нэмэгдүүлэхэд зорин дараах ажлуудыг зохион байгуулсан.

• 2022 оны 11 сарын 7-21-ний хооронд ГХС-ийн АХТ-ээс англи хэлний 28 дахь удаагийн олимпиадыг 3 үе шаттай зохион байгуулж, МехТС-ийн оюутнууд Тусгай зориулалтын англи хэлээр (S.ESP310) тэргүүн байр, Харилцааны англи хэл (S.CE102) хичээлээр 3-р байр эзэллээ.

• 11 сарын 15-нд тусгай зориулалтын англи хэл (S.ESP310) хичээл судалж буй оюутнуудын дунд зохиогдсон “Model Contest” макетын тэмцээнд нийт 7 багийн 80 орчим оюутан бүтээлч сэтгэлгээ, илтгэх чадвараараа өрсөлдөн Дөлгөөн ахлагчтай Механик инженерийн баг, Балжинням ахлагчтай Мехатроникийн баг, Анужин ахлагчтай Тээврийн менежментийн баг эхний 3 байрт тус тус шалгарлаа.

• Тус сургуульд Харилцааны англи хэл (S.CE102), Бизнес, менежментийн англи хэл (S.EBM210), Тусгай зориулалтын англи хэл (S.ESP310) хичээлийг судалж буй оюутнууд “Book Sharing Corner” номын хандивын аянд нэгдэж, уншсан номын тэмдэглэлээ англи хэлээр бичиж үлдээв. Оюутнуудын үүсгэсэн энэхүү номын буланг цаашид улам өргөжүүлж, унших дуртай оюутан бүрт нээлттэй байлгах боломжоор хангаж ажиллана.  

• Харилцааны англи хэл (S.CE102) хичээл судалж буй оюутнууд М.Нямдолгор багшийн удирдан ажиллуулдаг “Teacher’s Assistant Student Club” (Багшийн туслах оюутан клуб)-т хамрагдан мэдлэг, чадвараа ахиулсаар байна.

Энэхүү үйл ажиллагаанд идэвхтэй оролцсон, тусалж дэмжсэн оюутнууд, хамтран ажилласан багш нар болон шүүгчдэдээ гүн талархал илэрхийлж, амжилт хүсье!

ГХС, Англи хэлний тэнхим