(2023 оны 04-р сарын 03-аас  8-ны өдрүүдэд)

ШУТИС-ийн Механик, Тээврийн сургууль (МехТС)-ийн Дээд боловсролын болон мэргэжлийн боловсролын үйлчилгээг хамрах хүрээнд ISO 9001:2015 “Чанарын удирдлагын тогтолцоо”-г нэвтрүүлснээс хойш тасралтгүй хэрэгжүүлж, сайжруулж ирсэн.  7 дахь удаагийн энэхүү арга хэмжээ нь:

• Бүртгэлийн хяналт
• Лабораториудын ажлын журам заавчирлагаа, шаардлагатай баримт бичгүүдийн хяналт
• Хөтөлбөрүүдийн самбарыг хийж дуусгах
• Чанарын менежментийн самбар хийх
• Сургуулийн дотоод хаягжуулалт
• Сургуулийн орчинтой холбоотой сайжруулалт
• Бүх нийтийн их цэвэрлэгээ, мод тарих гэсэн хөтөлбөрийн дагуу зохион байгууллаа.  

Бүх нийтийн их цэвэрлэгээнд нийт  багш, ажилчид өрөө тасалгаа, коридор, лаборатори, анги танхим, мөн сургуулийнхаа гадна талын 50 метр дэхь талбай, гудамж, замыг бүрэн цэвэрлэв.

Чанарын менежментийн тогтолцооны стандартыг анхлан хэрэгжүүлэгчдийн нэг болсноороо  бид туршлага, нөөц бололцоондоо тулгуурлан, инженерийн боловсролын үйлчилгээний чанарыг тасралтгүй сайжруулах, сургалтын чанар, орчны аюулгүй байдлыг ханган энэ удаагийн арга хэмжээг ийнхүү амжилттай, үр дүнтэй зохион байгуулав.

 Үйл ажиллагаанд идэвхтэй оролцож, Чанарын менежментийн тогтолцоог тасралтгүй нэвтрүүлж буй хамт олондоо баярлалаа.

МехТС-ИЙН ЧАНАРЫН МЕНЕЖМЕНТИЙН ЗӨВЛӨЛ