Инженер технологийн дээд боловсрол (MJEED) төслийн хүрээнд хөгжүүлж, хэрэгжүүлж байсан Япон улсын Нагаокагийн Технологийн их сургууль болон Шинжлэх Ухаан Технологийн сургуулийн хамтарсан “Механик Инженерчлэл 2+2” хөтөлбөрийг үргэлжлүүлэх санамж бичиг болон гэрээг 2022 -2023 онд байгуулсан.

Энэхүү хөтөлбөрт оюутан элсүүлэх үйл ажиллагааг 2023-2024 оны хичээлийн жилээс эхлүүлэх шийдвэр гарсантай холбогдуулан Нагаокагийн Технологийн их сургуулийн профессор Юкио Мияашита, Лий Иизука нар МехТС-д 2023 оны 10 дугаар сарын 17-ний өдөр зочилж 1,2-р курсын оюутнуудтай уулзалт хийж Нагаокагийн Технологийн их сургууль болон хөтөлбөрийн танилцуулга хийв.