2024-2025 оны хичээлийн жилийн Хаврын улирлын “Бакалавр, магистр, докторант оюутны шилдэг илтгэл  шалгаруулах”  эрдэм шинжилгээний хурал амжилттай  болж өндөрлөлөө

Механик инженер, тээврийн сургуулийн бакалавр, магистр, доктор оюутны шилдэг илтгэл  шалгаруулах эрдэм шинжилгээний хурлыг техник, технологи болон эдийн засгийн чиглэлэлээр хоёр салбарт хуваан 2025 оны 03-р сарын 21 -нд МИТС-ийн эрдмийн зөвлөлийн өрөөнд  зохион байгуулж өндөрлөлөө. Тус хурал нь Механик инженер, тээврийн сургуульд суралцаж буй оюутнууд, судалгааны ажил хийж буй судлаачдыг эрдэм шинжилгээ, судалгааны ажилд  мэргэшүүлэх, дэмжих, судалгааны ажлын үр дүнг урамшуулах, олон нийтэд таниулах, харилцан туршлага солилцох, онол практикийн мэдлэгийг нь тэлэх  зорилготой зохион байгуулж, хоёр чиглэлээр илтгэл, бүтээлийг хэлэлцэв. Эрдэм шинжилгээний хуралд 20 оюутны 13 илтгэл хэлэлцэгдэж шилдэг илтгэлүүдийг шалгаруулав.

Техник, технологи чиглэлээр шалгарсан

1. р байр  Ганчимэгийн Алтангэрэл, Ганзоригийн Намуунзаяа нарын “Төмрийн баяжмалаас магнетит фаз үүсгэх боломжийн судалгаа” сэдэвт илтгэл, удирдагч багш М.Дэлгэрмаа доктор (Ph.D)
2. р байр Гантулгын Ган-Эрдэнэ “Ухаалаг Гэрэлтүүлгийн систем” сэдэвт илтгэл, удирдагч багш Д.Ганбат доктор (Ph.D)
3. р байр Наранцэцэгийн Эрдэнэсант “Эргэлтийн биеийг тэнцвэржүүлэх туршилтын төхөөрөмжийн төсөл” сэдэвт илтгэл, удирдагч багш Д.Батсүх магистр

Эдийн засаг, менежментийн чиглэлээр шалгарсан

1. р байр Мөнх-Очирын Даваажаргал, Сосорбурамын Ундармаа нарын “Тойрог эдийн засгийн чиг хандлага” сэдэвт илтгэл, удирдагч багш Л.Чулуунцэцэг магистр
2. р байр Цэнд-Аюушийн Анар, Доржнамжилын Энхжин нарын “Агуулахын байршил төлөвлөлтөнд Гравитацийн арга ашиглах нь” сэдэвт илтгэл, удирдагч багш С.Уянга доктор (Ph.D)
3. -р байр Эрдэнэбаатарын Мөнхцацрал, Батсүхийн Хонгорзул “Цахим худалдааны байгууллагын логистикийн гүйцэтгэлийн үзүүлэлтүүдэд хийсэн судалгаа” сэдэвт илтгэл, удирдагч багш Л.Чулуунцэцэг магистр

Магистр, докторын түвшинд шалгарсан

1. р байр Амаржалын Уянга “В хольцын FeCo  нэгдлийн кристалл бүтэц, соронзон шинж чанарын судалгаа” сэдэвт илтгэл, удирдагч багш М.Дэлгэрмаа доктор (Ph.D), Э.Уянга нарын илтгэлүүд тус тус шалгарлаа

Бүрэлдэхүүн сургуулийн эрдэм шинжилгээний хурлыг шүүн, удирдаж явуулсан Д.Оюунчимэг, Б.Жавхлан, Д.Ганбат, С.Уянга багш нартаа талархал илэрхийлье. Багш нар болон оролцсон бүх судлаачид, оюутнууддаа цаашдын сурлага хөдөлмөр, судалгааны ажилд нь өндөр амжилт хүсье!

МИТС-ийн Эрдэм шинжилгээ, инновацын алба
2025.03.26